Kadanya satiap urang nang mangiau Aku, ‘Ya Junjungan kami, ya Junjungan kami,’ cagar masuk ka dalam Karajaan Surga. Tagal, urang-urang nang manggawi kahandak Abah-Ku Nang Di Surga haja nang cagar masuk ka dalam Karajaan Surga. Di hari Kiamat banyak urang cagar baucap lawan Aku, ‘Ya Junjungan kami, ya Junjungan kami, kami banubuat dami ngaran Pian. Kami manyuruh bajauh ruh-ruh jahat matan manusia dami ngaran Pian jua. Kami manggawi banyak mukjijat dami ngaran Pian jua.’ Tagal, wayah itu pang Aku cagar batarus-tarang lawan buhannya wan baucap, ‘Aku kada suah patuh lawan buhan ikam. Bajauh pada Aku! Buhan ikam ni urang-urang nang jalim.’

Ada urang-urang nang bapadah amun buhannya umpat Isa Almasih. Tagal, sabujurnya buhannya tu bapiraga haja umpat Sidin, nangkaya nang tatulis dalam Kitab Injil Markus.

Mark 15:16-19 Lalu buhan tantara mambawa Nabi Isa masuk ka pakarangan istana hupnur. Lalu buhannya mangiau sabarataan tantara nang lain sakira bakumpulan di sana jua. Buhannya mamurukakan jubah nang kalirnya bigi ramania ka Nabi Isa. Buhannya maayam jangking baduri jadi mahkuta lalu dipasang ka kapala Nabi Isa. Lalu buhannya bamula basandiwara, kisahannya mambari hurmat lawan Nabi Isa sambil baucap, “Hurmat kami, ya Paduka Raja bani Israil!” Imbah itu buhannya mancatuk kapala Nabi Isa lawan tungkat wan maludahi Sidin. Lalu buhannya balutut wan basujut manyambah Nabi Isa, kisahannya mahurmati raja.

Buhan tantara ngini adalah cuntuh urang-urang nang bapiraga manyambah Isa Almasih. Isa Almasih patuh lawan urang-urang nang bujur-bujur manyambah Sidin. Sidin jua tahu lawan urang-urang nang bapiraga haja manyambah Sidin.

Nah, pian ni tamasuk urang nangkaya apa?

Pian ni urang nang bujur-bujur manyambah Isa Almasihkah, atawa urang nang bapiraga haja manyambah Sidin?